《《愛回家》》
醫院經常被tbb塑造成一個充滿愛充滿拼勁嘅地方，每一套醫院劇集都會描述主角每日番工就會好似一集半個鐘嘅愛回家咁，充滿故事充滿人性充滿道德L。
是的。
醫院中充滿故事，題材有生有死。有笑有淚。有人有鬼。又乜又7。
當然，我每日番工都想天使般化身，做愛與和平嘅使者，吹吹水行行企企又一日。
但係現實中，作為一個係公立醫院工作嘅護士，醫院嘅工作的確有血有汗，sorry係仲有淚。
正所謂『旁人從不贊同 而情理也不容』入醫院做個正式嘅護士正常地係乜撚都要做：換衫沖涼執屎換單包屍跟巡房打針派藥餵飯調解維修，樣樣都關姑娘事，咁辛苦嘅工我相信無一個正常嘅呀媽想自己仔女做。當然每日不單只看管病人（有時一個姑娘負責十至十五個病人），仲要照顧埋呢班家屬嘅心理需要，處理大大小小嘅問題。
例如家屬唔想接出院／無錢照顧呀婆／無屋住等等等等嘅問題嚟發難渣（而家好多香港人都係咁，不只大陸客）首當其衝就係護士受罪，因為唔會有醫生係探病時間出現答你問題架麻。我地無奈聽你半個鐘嘅肺腑之言，之後又要轉介無乜乜乜乜部門跟進。都唔緊要，但啲問題永遠問一個提一個，做極都做唔完。可以點呀？其他工作就唔洗做咩？所以咪又要OT 做剩下來嘅工作。
當我地生理同心理每日都承受咁多壓力壓迫，仲邊有心機同你擁抱愛？
我放工都想即刻愛回家。
Search